ಅಪ್ಪ-ಅಮ್ಮಗೆ ಮತ್ತೆ ಚಿಗುರಿದ ಬದುಕಿನ ಭರವಸೆ.. ಆಟವಾಡುತ್ತಿದ್ದ ಕಂದ ಕೊಳವೆ ಬಾವಿಗೆ ಬಿದ್ದಿತ್ತು 2 ವರ್ಷದ ಸಾತ್ವಿಕ್​ನನ್ನು ರಕ್ಷಣೆ ಮಾಡಲು ಎನ್​​ಡಿಆರ್​ಎಫ್​, ಎಸ್​ಡಿಆರ್​ಎಫ್​ ತಂಡಗಳಿಂದ ರಕ್ಷಣಾ ಕಾರ್ಯಾಚರಣೆ ವೇಗವಾಗಿ ನಡೆಯುತ್ತಿದೆ. ಇನ್ನೇನು ಕೆಲವೇ ಗಂಟೆಗಳಲ್ಲಿ ಮಗುವನ್ನ ಹೊರ ತೆಗೆಯಲಾಗುತ್ತದೆ. ಈಗಾಗಲೇ ಕೊಳವೆ ಬಾವಿಯಲ್ಲಿ ಸಿಲುಕಿಕೊಂಡಿರುವ ಮಗು ಅಳುತ್ತಿರುವ ಧ್ವನಿಯನ್ನು ರಕ್ಷಣೆ ಪಡೆ ಸಿಬ್ಬಂದಿ ಕೇಳಿಸಿಕೊಂಡಿದ್ದಾರೆ.    ಈ ಸಂಬಂಧ NDRF, SDRF ತಂಡಗಳು ರಕ್ಷಣಾ ಕಾರ್ಯಾಚರಣೆಯ ವೇಗ ಹೆಚ್ಚಿಸಿವೆ. ರಕ್ಷಣೆ ಕಾರ್ಯ ಅಂತಿಮ ಘಟ್ಟ ತಲುಪಿದ್ದು ಕೆಲವೇ ಗಂಟೆಗಳಲ್ಲಿ ಮಗು ಹೊರತೆಗೆಯಲಿದ್ದಾರೆ.  ಸತತ 17 ಗಂಟೆಗಳಿಂದ ಈ ರಕ್ಷಣಾ ಕಾರ್ಯ ನಿರಂತರವಾಗಿ ನಡೆಯುತ್ತಿದೆ. ಭೂಮಿಯನ್ನು ಅಗೆಯುವ ವೇಳೆ ಕಲ್ಲು ಬಂಡೆ ಅಡ್ಡಿಯಾಗಿದ್ರಿಂದ ರಕ್ಷಣಾ ಕಾರ್ಯದಲ್ಲಿ ಕೊಂಚ ವಿಳಂಬವಾಗಿದೆ. ಇದು ಬಿಟ್ಟರೇ ಎಲ್ಲವೂ ಸುಗಮವಾಗಿ ನಡೆಯುತ್ತಿದ್ದ ಕಾರಣ ಇನ್ನೇನು ಕೆಲವೇ ಕೆಲವು ಗಂಟೆಗಳಲ್ಲಿ ಸಾತ್ವಿಕ್​ ಪ್ರಪಂಚವನ್ನು ಮರಳಿ ನೋಡಲಿದ್ದಾನೆ ಎಂಬ ಭರವಸೆ ಸಿಕ್ಕಿದೆ 2014ರ ನಂತರ ಇದೀಗ 2024ರ ಏಪ್ರಿಲ್​ 3 ರಂದು ಸಾತ್ವಿಕ್ ಎನ್ನುವ 2 ವರ್ಷದ ಮುದ್ದಾದ ಕಂದ ಕೊಳವೆ ಬಾವಿಗೆ ಬಿದ್ದು ಸಾವು-ಬದುಕಿನ ಮಧ್ಯೆ ಹೋರಾಟ ನಡೆಸಿದ್ದಾನೆ. ಒಳಗೆ ಅವನಿಗಾಗುವ ನೋವು, ನರಳಾಟ, ಹಸಿವು ಮತ್ತು ದಾಹ ಎಲ್ಲವೂ ಆ ದೇವರೇ ಬಲ್ಲನು. ಏಕೆಂದರೆ ಮಗು ಒಂದು ದಿನ ಹಸಿವಿನಿಂದ ಇರಬೇಕು ಎಂದರೆ ದೊಡ್ಡ ಪವಾಡವೇ ನಡೆಯಬೇಕು. ಅಂತಹದ್ದರಲ್ಲಿ ಸಾತ್ವಿಕ್​ ಕೊಳವೆ ಬಾವಿಯಲ್ಲಿ ಬೀಳುವುದಕ್ಕೂ ಮೊದಲು ಯಾವಾಗ ಊಟ ಮಾಡಿದ್ದನು ಎನ್ನುವುದು ಗೊತ್ತಿಲ್ಲ. ಆವಾಗಿನಿಂದ ಈ ಕ್ಷಣದವರೆಗೆ ಉಪವಾಸದಲ್ಲಿದ್ದಾನೆ. ಸದ್ಯ ರಕ್ಷಣಾ ಕಾರ್ಯವಂತೂ ವೇಗವಾಗಿ ನಡೆದಿದ್ದು ಆದಷ್ಟು ಬೇಗ ಬದಕಿ ಬರಲಿ ಎನ್ನುವುದು ಎಲ್ಲದ ಹೃದಯದ ಮಾತು.